Dugsoo adigaan ku diirso lahaa
ku doogso lahaa agtaada dawooy
maxaad u diddaa usii durugtaa?
Adoon dusdus iyo doc kale igu arag
adoon danni qudha daliil u helayn
anoo daacadoon cidkale doonayn
anoon dumarkaba dibnaha u furayn
kumaad daginoo kumaad doogine
waxan ku duree dareentay macnee?
duryankiyo buuqa daara macnee?
anuu daalaye dantaada macnee?
dab iyo axdigii digaad ka dhigtoo
dubaaqiyo maanka waad dubatee
anoo kuu dabacsanbaad digtehee
maxaad ka dudaa ankaa daayee?
Imana diidanid manaad doorsane
dabciga noocani dabiici miyaa?
dabuubtii wacnayd ku diiq galisee
maxaa deeqee kashaada daga?
Waxan ku duree dareentay macnee?
duryankiyo buuqa daara macnee?
anuu daalaye dantaada macnee?
Codka Axmed Aarshe
Laxanka Xasan dhuxul Laabsaalax
Erayada ina Burmad
Category